PERJALANAN OMPU MINGOR MATONDANG BERSAMA ANAK ISTRI

Disada huta manang sada luat, pangisina na jonok tu topi ni Tao Toba, hundul sahalak ama laho manatap ulina parpeak ni hutai, huhut laos mamereng uli ni Tao Toba i, di namareak botari hira-hira pukkul 17.00 WIB. Manatap ma amanta i tu Tao Toba dohot tu dolok na mangaliangi Tao Toba i, marsinondang ma mataniari dilaho sundut (bonom), tarida ma disi haulion ni luat i, tarida ma disi haulion ni luat i, jala angin marombus sian tao i tu darat tung mansai lambok panghilalaan (angin sepoi-sepoi basah). Molo manatap hita sian i, songon na nidok umpama, MATA MAMERENG ATE-ATE LAMBOK songoni ma naroha dohot panghilalaan ni natua-tua i.

Ise do ulaning natua-tua i? Ima Ompui anak ni Ompunta DATU MARHANDANG DANLU manang SIRAJA MATONDANG. Ia goar ni hutai ima LOBU SITATA AMBARITA Jala disi ma Ompui SIRAJA MATONDANG tinggal najoloi.

Raja Matondang mangoli (kawin) tu Boru Hasibuan di Huta Lobutala Matiti Humbang Dolok Sanggul, jala sorang/tubu (lahir) ma dakdanak; 4 (opat) baoa dohot 1 (sada) boru, ima:
1) OMPU MINGOR MATONDANG; 
2) OMPU BADIA PORHAS MATONDANG; 
3) OMPU TUAN SOMARISI MATONDANG; 
4) OMPU HUTAMAS MATONDANG; 
5) MANGANANG BORU MATONDANG.

Ia ulaon ni Ompui ndang termasuk petani, alai holan mandatui do alana Datu do ibana, jala laho do ibana tu luat na dao (tu huta ni sileban/halak). Disada tikki laho do Ompui mandatui (mengobati) tu huta ni sileban, terjadi ma disi permusuhan/porang ditonga-tonga ni hutai jala guttur ma jolma, Siala ni biarna nasida sidior lojong-lojong na asa malua hosana sian hamatean i (mencari selamat) jala marserak ma nasida marsada-sada, ndang marsibotoan be nasida akka haha-anggi dohot ibotona. Hape Ompu Mingor Matondnag laho ma tu LOBU SIPAIMBAR, RURA SILINDUNG (TARUTUNG). Jadi dihutai do Ompu Mingor Matondang sahat tu doli-doli/remaja laos dihutai do muse Ompu Mingor Matondang mangoli (kawin) BORU PARNA (SINUR BORU MUNTHE) apala ditingki i ndang dope tangkas panggoarina holan Nai Ambaton dope didok.

Ompu Mingor Matondang/Sinur Boru Munthe, madung sorang/tubu (lahir) ma sada dakdanak baoa (laki-laki) dinasida, jala dibahen ma goarna OMPU BONDANG MATONDANG. Alani guntur/porang ma muse dihuta i pindah ma nasida tu huta PEADUNGDUNG DOLOK SANGGUL, jala sian ima muse marpinoppar tu luat BARUS. Molo Ompunta SIRAJA MATONDANG ndang dapot binoto manang na didia marujung ngoluna (mangkat).

Pardalanan ni Ompu Mingor Sahat Tu Barus

Sialani guntur/porang dihuta i, haha-anggi dohot ibotona marserak marsada-sada sidior dalan na(mencari jalan selamat masing)

1. Hape Ompu Mingor Matondang laho ma tu Lobu Sipaimbar Rura Silindung (Tarutung).
2. Sian Lobu Sipaimbar Rura Silindung, pindah muse ma Ompu Mingor Matondang dohot keluarga na tu huta Peadungdung Dolok Sanggul, di bona ni dolok Pinapan ima huta na margoar PEADUNGDUNG, tardok doi tano na napu(subur), jala adong muse Pertambangan Emas jala kegiatan penggalian, jala bahat do halak sileban mandior karejo disi.
3. Tung massai leleng do Ompu Mingor Matondang dohot keluargana tinggal di hutai, alana di ida rohana akka parngoluan na denggan do di hutai.
4. Ompu Mingor Matondang dohot keluargana tung massai sonang do rohana jala godang do donganna, huhut denggan do akka panogu-noguon ni angka na dihuta i, pattun do ibana lumobi tu angka natua-tua di hutai dohot diluat na asing pe.
5. Alai nunga diboto Bolanda (sibontar mata)  na adong Emas di dolok Pinapan i, mamintor dikuasai Bolanda ma dolok Pinapan i asa nasida mambangun pertambangan emas i.
   Nang diusahahon piga-piga taon dikuasai Bolanda, alai dang manghasilho tu pemerintahan nasida sahat tu sadarion ndang dapot untung nasida.
6. Tangkas ma diboto jala di ida Ompu Mingor Matondang gabe marhusori ma rohana. Dipaboa mai tu inantana dohot anakna Ompu Bondang laos martorsa ma nasida sekeluarga laho mamikkirhon namasa i. Didok dibagasan rohana "molo nialo Bolanda i ndang taralo ibana".
7. Jadi dibuat ma kesimpulan, asa ditinggalhon huta Peadungdung, asa unang rap nasida dohot pemerintahan ni Kolonial. Dilului nasida ma sada tingki asa borhat nasida tu tujuanna dompak Pasaribu Dolok ( Barus ). Pajuppa ma Ompu Mingor Matondang dohot marga Tarihoran, asa rap ma nasida unang padao-dao inganan nasida, laos pajuppa muse ma dongan tubu marga Habeahan dohot Raja Bondar.
8. Dos ma tahi nasida na opat asa mamungka huta di Pasaribu Dolok ima huta Raba-raba. Mulak ma Ompu Mingor Matondang tu Peadungdung laho mangalap keluargana, jadi saut ma nasida pindah tu huta Raba-raba jala ima umbahen na didok Huta Raba-raba Si Opat Harbangan.
   Angka isema ulaning di Huta Raba-raba Si Opat Harbangan i, ima: Ompu Mingor Matondang, Ompu Ni Urat Habeahan, Ompu Tuan Hurung Bondar, dohot Ompu Datu Rading Tarihoran.
9. Raja na opat on tardok doi Raja Sihabiaran diakka parripena/masyarakatna, ala nasida tegas jala burju tu pangisi ni huta i. Ia namora boru ni hutai Marga Sihombing do, jala sangap huhut arga doi diroha nasida na opat Harbangan on, ndang boi halak sembarangan makkatai tu Namora Boru i. Jala pintor Raja Na Opat on do muruk tu halak na palea-leahon alana ndang diboto manurat-manjaha.
10. Ise do Raja di Habinsaran dohot Hasundutan?
    Tung leleng do nasida tinggal dihuta i, boi di dok sonang so haribo-riboan do nasida disi.
    Aut sugari pe adong marsakkap naeng marmusu tu nasida ndang boi, sialani dos roha nasida dohot sada pamingkiran dinasida na Opat Raja on.
    Alai pas di arina, jumpa bulanna, naso panagaman ni roha pintor muba roha ni sude angka Raja na Opat on, gabe marsiboan rohana be saluhutna.
11. Dibalik ni ari marpungu ma nasida na Opat di Sopo Godang alana ido jabu Partukkoan, songon nuaeng ima di dok Balai Desa. Tung Leleng do nasida di Jabu Partukkoan i ima Pituari Pitu Borngin huhut mangan indahan sahudon dohot gule sabalanga, di dok mangan indahan sinaor huhut mambahen keputusan di rapot nasida na mandok " Sipungka Huta na Be. Songon na nidok ni Sijolo-jolo tubu, ima:
    Hambing dimulana maranakkon andurian
    Mardenggan mekkel di mulana alai sirang jala tangis dihapudian
    
    
    Sirang ma tutu na marhaha-anggi Raja Si Opat Harbangan
12. Bersambung ....